«7-20-25» ипотекасына қашан қайта қаржы бөлінеді

«7-20-25» жеңілдікті ипотекасы бойынша екінші тоқсанның (сәуір, мамыр, маусым) лимиті биыл 1 сәуірден бастап күшіне енеді. Бұл туралы бағдарлама операторы Қазақстанның орнықтылық қоры (ҚТҚ) хабарлады, деп хабарлайды Аlmaty.tv тілшісі Krisha.kz-ке сілтеме жасап.

«7-20-25» ипотекасы деген не?

Бұл мемлекеттік бағдарлама, төмен мөлшерлемемен несие береді.

Шарттары:

• Мөлшерлеме: 7%.
• Бастапқы жарна: 20%.
• Несие мерзімі: 25 жыл.
• Ең жоғары сома:
  — 30 млн теңгеге дейін — Астана, Алматы және қала маңы, сондай-ақ Ақтау, Атырау, Шымкент;
  — 25 млн теңгеге дейін — Қарағанды;
  — 20 млн теңгеге дейін — басқа өңірлер.

Негізгі талаптар:

• Несие алушы мен оның жұбайында соңғы 18 айда тұрғын үйі болмауы қажет.
• Тек пайдалануға берілген жаңа тұрғын үй (құрылыс салушыдан) сатып алуға болады. Үлестік қатысу немесе екінші нарықтағы тұрғын үйлер жарамайды.

Қанша қаржы бөлінеді?

Бағдарлама бойынша мемлекет әр тоқсан сайын 25 млрд теңге бөледі. Жылдық жалпы көлемі — 100 млрд теңге.

Лимит әр тоқсанның басында жаңарады.

2026 жылғы 1 сәуірден бастап екінші тоқсан лимиті автоматты түрде іске қосылады. Осы кезде қатысушы банкке өтінім беру маңызды. Өтінімді өзіңіз бақылауыңыз қажет.

«7-20-25» бойынша несие беретін банктер

Ипотеканы тек мына банктерде рәсімдеуге болады:

• Halyk Bank,
• ЦентрКредит банкі,
• Freedom Bank Қазақстан,
• Еуразия банкі,
• Bank RBK,
• ForteBank,
• Altyn Bank.

Отбасы банкі бұл бағдарлама бойынша жұмыс істемейді.

Қаржыландыру қалай жұмыс істейді

Банктер ипотека бергенде өз қаражатын пайдаланады. Бағдарлама операторы — Қазақстан орнықтылық қоры қолданыстағы бюджет шегінде банктерден қарызды сатып алады.

Қор Қазақстан қор биржасында облигациялар шығарып, нарықтағы шарт бойынша ипотекаға қаржы тартады. Осылайша банктерді алдын ала қаржыландыру жоқ.
Банктер лимитпен шектелген. Оны асыру оларға тиімді емес, сондықтан өтінім беру қиындайды.

«7-20-25» бағдарламасындағы қиындықтар

Мөлшерлемесі төмен ипотека болғандықтан, халық арасында үлкен сұранысқа ие.

Ипотека рәсімдеу оңай емес. Бірнеше кедергі бар:

1. Ең жоғары сома көтерілсе де, бағаға сай келетін пәтерлер аз.
2. Жаңа, толық салынған тұрғын үй табу қиын, құрылыс аяқталғанша көп пәтер сатылып кетеді.
3. Қаржылық лимит — 100 млрд теңге, жылына шамамен 5.5 мың несиеге жетеді, бұл белсенді сұранысты толық жаба алмайды.

Айта кетейік, «7-20-25» ипотекасы Қазақстанда 2018 жылғы шілдеден бері жұмыс істейді. Лимит 2023 жылғы қаңтарда пайда болды. Қазір 83 мыңнан астам адам несие рәсімдеді. Бағдарлама 2029 жылдың аяғына дейін жұмыс істейді.

Оқи отырыңыз: Көзді ультракүлгін сәуледен қорғаудың тиімді жолы қандай