Алматы тауларында сақтық шараларын сақтау ұсынылады

2026 жылғы 1 шілдеде «Қазгидромет» РМК дауылды ескерту жариялады. Қатты жауын-шашынға байланысты Алматы тауларындағы Кіші Алматы өзені алабында сел жүру қаупі сақталады, деп хабарлайды Аlmaty.tv қалалық Төтенше жағдайлар департаментіне сілтеме жасап. 

Осыған байланысты Алматы қаласының тұрғындары мен қонақтарына ауа райы тұрақталғанға дейін Іле Алатауына бармауға кеңес беріледі.

Сел қаупі кезінде мына қауіпсіздік ережелерін сақтаңыз:

• ресми ауа райы болжамдары мен ескертулерді тұрақты бақылаңыз;
• сел қаупі туындаса немесе сел басталса, дереу биік әрі қауіпсіз жерге шығыңыз;
• өзен арналарының, сел жүруі мүмкін сайлардың, сондай-ақ көл бөгеттерінің жоғары және төменгі бөліктерінде шатыр тігіп, демалмаңыз;
• таудың жоғарғы бөлігінде нөсер жауып жатса, өзен арналары мен қауіпті аумақтардан дереу алыстаңыз.

Мамандар тұрғындар мен туристерді сақтық шараларын қатаң сақтауға шақырады. Өз қауіпсіздігіңіз бен жақындарыңыздың амандығына жауапкершілікпен қараңыз.

Оқи отырыңыз: Қазақстанда инфляциялық үдерістер біртіндеп тұрақтануда — ҰЭМ