Алматы әуежайы ішкі рейстер терминалындағы жүк беру және өңдеу аймақтарын жаңғыртуда

Алматы халықаралық әуежайы әуежай инфрақұрылымын ауқымды жаңғырту бағдарламасы аясында ішкі рейстер терминалын (T1) кезең-кезеңімен трансформациялауды жалғастыруда., деп хабарлайды Almaty.tv.

Әуежайдың баспасөз қызметінен хабарлағандай, жобаның негізгі бағыттарының бірі — жүкті беру және өңдеу аймақтарын кешенді жаңарту арқылы әуежайдың өткізу қабілетін арттыруға, қауіпсіздікті күшейтуге және жолаушыларға қызмет көрсету уақытын қысқартуға мүмкіндік береді.

Жоба аясында жалпы ауданы 1 890 м² багажды беру аймағы жаңғыртылды. Багаж таспаларының ұзындығы 25 метрден 60 метрге дейін ұлғайтылып, олардың орналасуы багажды жылдам әрі тиімді беру үшін оңтайландырылды.

Жаңғыртудың маңызды бөлігі - тіркелген багажды тексеруге арналған компьютерлік томография (CT) технологиясына негізделген заманауи NUCTECH XT2100HS жүйесін енгізу. Жүйе жарылғыш заттарды автоматты түрде анықтайды және сағатына 1 800 бірлікке дейін багажды тексеруге мүмкіндік береді. Жабдық ECAC EDS Standard 3.1 талаптарына сәйкес келеді және багажды тексеру кезінде авиациялық қауіпсіздіктің жоғары деңгейін қамтамасыз етеді.

Жаңартылған аймақта жолаушыларға жедел көмек көрсету үшін екі жаңа Lost & Found кеңсесі - Air Astana және Алматы халықаралық әуежайының (ALA) кеңселері қарастырылған.

Сонымен қатар, багажды сұрыптау аймағы 1 600 м²-ге кеңейтілді. Қосымша кеңістік пен жаңартылған инфрақұрылым багаж операцияларының тиімділігін арттыруға және жолаушылардың багажды күту уақытын қысқартуға мүмкіндік береді.

Багажды беру және өңдеу аймақтарын жаңғырту T1 ішкі рейстер терминалын кешенді трансформациялаудың және Алматы халықаралық әуежайының қауіпсіздікті, операциялық тиімділікті және жолаушыларға қызмет көрсету сапасын одан әрі арттыруға бағытталған ұзақ мерзімді даму бағдарламасының бір бөлігі болып табылады.

Оқи отырыңыз: Астанада Лаос президентін салтанатты қарсы алу рәсімі өтті