Атырауда ер адам көпірден суға секіріп, ажал құшты

Атырауда 38 жастағы ер адам көпірден суға секіріп ажал құшты, деп хабарлайды Almaty.tv.

Қайғылы жағдай қаладағы Орталық көпірде түнгі уақытта болған. Сақшылар 102 пультіне хабар түскен сәтте оқиға орнына дереу жетіп, апталдай азаматты су жағасына шығарған. Алайда алғашқы медициналық көмек көрсетілсе де, ер адамды құтқара алмады. Жедел жәрдем қызметкерлері марқұм көп су жұтып қойған деп отыр.

Ал тұрғынның не үшін суицидке барғаны белгісіз. Қазір полиция мән-жайды анықтауға кірісті. Орталық көпір тұсындағы барлық камералар тексеріліп, бақылауға алынды.

Оқи отырыңыз: 2027 жылы алғашқы пилотсыз жүк көліктері іске қосылмақ