Елімізде "Мектепке жол" республикалық акциясы басталады

1 тамыздан 30 қыркүйекке дейін Қазақстанның барлық өңірлерінде жыл сайынғы республикалық «Мектепке жол» қайырымдылық акциясы өтеді, деп хабарлайды Аlmaty.tv.

ҚР Оқу-ағарту министрлігінің мәліметінше, бұл – жыл сайын жаңа оқу жылы қарсаңында өткізілетін республикалық қайырымдылық акциясы. Ол әлеуметтік осал санаттағы балаларға қолдау көрсетуге бағытталған.

Өткізу мерзімі:

• 1 тамыз – 30 қыркүйек аралығы

Акцияның мақсаты – мектепке дайындық кезеңінде қолдауды қажет ететін балаларға көмек көрсете отырып, олардың білімге тең қолжетімділігін қамтамасыз ету.

Кімдерге көмек көрсетіледі:

• Жетім және ата-анасының қамқорлығынсыз қалған балалар;
• Көпбалалы және аз қамтылған отбасылардан шыққан балалар;
• Мүгедектігі бар балалар;
• Төтенше жағдайлардан зардап шеккен балалар;
• Қиын өмірлік жағдайға тап болған өзге де балалар.

Көрсетілетін көмек түрлері:

• Мектеп формасы;
• Канцеляриялық құрал-жабдықтар;
• Сөмке, аяқ киім, оқулықтар;
• Материалдық және өзге де атаулы көмек.

Қатысушылар:

• Мемлекеттік органдар;
• Кәсіпкерлер мен бизнес құрылымдары;
• Қоғамдық ұйымдар;
• Ерiктiлер;
• Жеке азаматтар.

Акция бойынша көмек алу немесе көмек көрсету үшін өңірлік білім басқармаларына, жалпы білім беретін мектептерге, Халыққа қызмет көрсету орталықтарына (ХҚКО) жүгінуге болады.

Көмек тек ата-аналардың (заңды өкілдердің) өтініші немесе мұқтаждық анықталған жағдайда атаулы түрде көрсетіледі.

Айта кетерлігі «Мектепке жол» акциясы 16 жылдан бері еліміздің түкпір-түкпіріндегі мыңдаған балаға жаңа оқу жылын сеніммен және қуанышпен бастауға мүмкіндік беріп келеді.

Оқи отырыңыз: Қазақстандық оқушылар халықаралық олимпиадада тарихи жетістікке қол жеткізді