Қызылорда облысындағы ауылда табиғи газ қосылды

Қызылорда облысы Арал ауданы Қамыстыбас елдімекеніне табиғи газ қосылды, деп хабарлайды Almaty.tv.

Аймақ басшысы жиналған жұртшылықты, көгілдір отын игілігіне қол жеткізген қамыстыбастықтарды құттықтап, инфрақұрылым жеткізу саласындағы жетістіктерге тоқталды.

Мемлекеттік саясаттың маңызды стратегиялық мақсатының бірі – ауылдарды дамыту. Үкімет пен облыс әкімдеріне қолдау тетіктерін тиімді және мақсатты пайдаланып, ауыл халқының табысын арттыру, экономикасын жоғары көрсеткіштерге жеткізу міндеті жүктелген.

Сыр өңірінде халық саны 845 мың адам болса, оның 447 мыңы, яғни 53 пайызы ауылда тұрады. Аймақтың негізгі макроэкономикалық көрсеткіштерінде өсім бар.

«Ауылдық аумақтарды дамытудың 2023-2027 жылдарға арналған тұжырымдамасы» аясында ауқымды жұмыс атқарылуда», – деді Н.Нәлібаев.

Қызылорда облысында 2021 жылдың соңында газдандыру деңгейі 67 пайыз болған. 2022-2025 жылдар аралығында 65 млрд. 100 млн. теңгеге 77 жоба жүзеге асырылды. Биыл көрсеткіш 83 пайызға жетті.

Оқи отырыңыз: Алматы облысында екі өрт сөндіру пункті ашылды