Қазақстан аумағында сирек жануарлар фототұзаққа түсіп қалды

"Алтын-Емел" ұлттық паркі аумағындағы фототұзақтарға Қазақстанның Қызыл кітабына енген сирек жануарлар түсіп қалды, деп хабарлайды Almaty.tv.

Видео ұйымның Instagram-парақшасында жарияланды. Атап айтқанда, осы көктемде камералар қар барысы мен қарақұйрықты түсіріп алған.

"Бұл деректер сирек жануарлардың парк аумағында тұрақты мекендейтінін және оларды сақтау шараларының оң нәтиже беріп жатқанын дәлелдейді", – делінген ұлттық парк хабарламасында.

Ұлттық парк өкілдері фототұзақтардың ғылыми зерттеулер үшін үлкен мүмкіндік беретінін де еске салды.

"Олардың көмегімен жануарлардың қозғалыс бағытын қадағалауға, мекендеу аумағын анықтауға, популяция санын бағалауға және оларды қорғау бойынша тиімді шаралар әзірлеуге болады. Қар барысының кадрға түсуі – ерекше маңызды оқиға, себебі бұл жыртқыш Қазақстанда өте сирек кездеседі. Оның белгілі бір аумақта тіркелуі – елдегі биологиялық әртүрлілікті сақтауға бағытталған маңызды қадам", – делінген парк мәлімдемесінде.

Оқи отырыңыз: Павлодарда адам ағзасын сату әрекеті әшкереленді