Мектепте оқушының телефон қолдану тәртібіне кім жауапты

Мектепте оқушының телефон қолдану тәртібін әр білім ордасы дербес айқындайды. Бұл туралы Үкімет отырысынан кейінгі баспасөз мәслихатында Оқу-ағарту бірінші вице-министрі Шынар Ақпарова мәлім етті, деп хабарлайды Аlmaty.tv.

Оның айтуынша, Оқу-ағарту министрлігі білім беру ұйымдарында ұялы телефонды қолданудың бірыңғай талабын әзірледі. Ал бұл талапты нақты іске асыруды әр мектеп дербес айқындайтын болады.

"Сабақ үстінде бала ұялы телефонды қолданбайды. Ал оны педагогқа беру немесе сынып ішіне қою сынды мәселеге қатысты ұйымдастыру жайттарын мектептегі жағдайға байланысты білім беру ұйымы өзі анықтайды", — деді ол.

Вице-министрдің айтуынша, бір мектепте ұялы телефон сыныпта сақталса, енді бірінде ол үшін арнайы жәшіктер қарастырылуы мүмкін. Осылайша, ұялы телефонды қолдану тәртібі әр мектептің ішкі ережесінде бекітіледі.

Оқи отырыңыз: Үш ауысымды мектептер мәселесін шешуде оң үрдіс бар – Премьер-министр