ТЖМ құтқарушылары егде жастағы әйелге көмек көрсетті

Almaty.tv

Тәжірибелі құтқарушылар пәтерге терезе арқылы баспалдақпен кірді

ТЖМ құтқарушылары егде жастағы әйелге көмек көрсетті. Петропавл тұрғыны ұзақ уақыт бойы қоңырауларға жауап бермей әрі есікке жақындамаған қарт ананың пәтеріне кіре алмаған, деп хабарлайды Almaty.tv.

Оқыс оқиға болды ма деп күдіктенген ер адам құтқарушыларға 112 нөмірі бойынша хабарласты.

Тәжірибелі құтқарушылар есікті сындырмай, пәтерге терезе арқылы баспалдақпен кірді. Пәтерде олар 1940 жылы туған қожайынды дәрменсіз күйде жатқанын анықтады.

Әйел жедел медициналық жәрдем қызметкерлеріне әрі қарай тексеру және қажетті көмек көрсету үшін табысталды.

Оқи отырыңыз: Астанада ломбард тонаған шетелдік азаматтар ұсталды