Наурыз мейрамы күндері елімізде ауа райы қандай болады

«Қазгидромет» РМК 21-26 наурыз күндеріне арналған ауа райы болжамын жариялады, деп хабарлайды Almaty.tv  тілшісі.  

Еліміздің оңтүстік өңірлеріне Иран аумағынан келген жылы антициклон әсер ететіндіктен, жаңбыр жауады. Алайда, Исландиядан жеткен суық антициклон ықпалынан республиканың батыс және шығыс бөліктеріндегі жауын-шашын тоқтағанымен, жалпы Қазақстан аумағының басым бөлігінде ауа температурасы салқындайды.   

Еліміздің солтүстік бөлігінде түнгі уақытта ауа температурасы 12-25 градусқа дейін төмендеп, аяз болады. Ал оңтүстік өңірлерде -2 градусқа дейін салқындап, кей жерлерде 6-11 градус аяз болуы мүмкін. Түнгі және таңғы уақытта еліміздің кей аумағына тұман түседі.