|
02.04.2019 | 12:05
6068

Елбасы Шамалған ауылының тұрғындарымен кездесті

Назарбаев ҚР Тұңғыш Президентінің «Атамекен» тарихи-мәдени орталығын аралайды деп жоспарланған

Елбасы Шамалған ауылының тұрғындарымен кездесті МИА «Казинформ»

ҚР Тұңғыш Президенті - Елбасы Нұрсұлтан Назарбаев Алматы облысындағы Шамалған елді мекеніне барады, деп хабарлайды ҚазАқпарат.

Сапар барысында Нұрсұлтан Назарбаев ҚР Тұңғыш Президентінің «Атамекен» тарихи-мәдени орталығын аралайды деп жоспарланған.  

Дәл осы уақытта жергілікті халық Елбасымен кездесу үшін орталық алдына жиналуда.  

«Біз бүгін өзіміздің жерлесіміз, дара тұлға - Нұрсұлтан Назарбаевпен кездесуге келіп тұрмыз. Әлбетте, біз Елбасымен жерлес болғанымызды мақтан тұтамыз. Алла тағала ол кісіге денсаулық берсін», - деді жергілікті тұрғын.  

ҚР Тұңғыш Президенті Шамалған ауылының тұрғындарымен де кездеспек. Еске салсақ, наурыз айының соңында Нұрсұлтан Назарбаев Алматыға сапарлап келген болатын.  Алматы әуежайында ҚР Тұңғыш Президентін жастар гүл шоқтарымен қарсы алды. Сонымен қатар, Нұрсұлтан Назарбаев Алматыдағы резиденциясында бірқатар кездесу өткізді.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир