Алматы қаласы әкімінің орынбасары қызметінен кетті

Ерлан Әукенов Алматы қаласы әкімінің орынбасары қызметінен босатылды, деп хабарлайды қала әкімінің қоғаммен байланыс қызметі.

Ол бұл қызметке 2015 жылы келген болатын. 4 жылда кәсіпкерлік, баспана, ауыл шаруашылығы, әлеуметтік әл-ауқат, жол мәселелерімен айналысты. 

Бұрынғы орынбасар әлеуметтік желіні белсенді қолданатын. Алматыдағы LRT желісінің құрылысы, BRT желісі туралы, қалалық автобус паркінің жаңаруына қатысты көп пікір білдірген болатын.