|
19.02.2019 | 15:37
3890

«Ешқайда қашпаймын»: жаңа министр қандай уәде берді?

Ерлан Тұрғымбаев Ішкі істер министрі болып осы жылдың 12 ақпанында тағайындалған еді

«Ешқайда қашпаймын»: жаңа министр қандай уәде берді?

Жаңа Ішкі істер министрі Ерлан Тұрғымбаев БАҚ өкілдерімен дос болуға уәде берді, деп хабарлайды Sputnik Қазақстан.

«Сіздерден ешқайда қашпаймын, дос боламын. Кеңесшім бар, жұмысты бастап кеттік», – деді Тұрғымбаев үкімет кулуарында.

ІІМ басшысы резонансты оқиғаларға қатысты түсініктеме беруден бас тартып, журналистерге арнап бөлек брифинг ұйымдастыратынын айтты.

«Қазір жұмыспен толық танысып, мәселелерді егжей-тегжейлі зерттейін. Кейін сіздерді бөлек шақырып, реформа, алдағы жоспарлар туралы барлығын айтып беремін», – деп уәде етті министр.

Айта кетсек, осы жылдың 12 ақпанында Қазақстан президентінің жарлығымен Ерлан Тұрғымбаев ішкі істер министрі болып тағайындалды. Бұған дейін ол ішкі істер министрінің орынбасары қызметін атқарған еді.

Ал Ішкі істер министрлігін сегіз жыл басқарған Қалмұханбет Қасымов Президент көмекшісі – Қауіпсіздік кеңесінің хатшысы болып тағайындалды.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир