Қасым-Жомарт Тоқаев Ақтауға ұшып келді

sputniknews.kz

Сапар барысында бірқатар әлеуметтік нысандарды аралап көру, теңіз сауда портының жұмысымен танысуды жоспарланып отыр

Қасым-Жомарт Тоқаев Ақтауға ұшып келді, деп хабарлайды Президенттің баспасөз қызметінің жетекшісі Берік Уәли.

«Қазақстан Президенті Қасым-Жомарт Тоқаев жұмыс сапарымен Ақтау қаласына келді», - деп жазды Берік Уәли Facebook желісіндегі парақшасында.

Оның айтуынша, сапар барысында бірқатар әлеуметтік нысандарды аралап көру, теңіз сауда портының жұмысымен танысу, сондай-ақ, Маңғыстау облысының жұртшылығымен кездесу жоспарланып отыр екен.

Осыған дейін, Қазақстан Президенті Қасым-Жомарт Тоқаев М.В.Ломоносов атындағы Мәскеу мемлекеттік университетінің ректоры Виктор Садовничий мен Халықаралық ынтымақтастық және ашық дипломатия жөніндегі Ресей қоғамдық кеңесінің төрағасы Сергей Орджоникидзені қабылдады.