Нұрсұлтан Назарбаев Шавкат Мирзиёевпен телефон арқылы сөйлесті

inbusiness.kz

Телефон арқылы сөйлесуге өзбек тарапы бастамашы болған

Елбасы Нұрсұлтан Назарбаев Өзбекстан Республикасының Президенті Шавкат Мирзиёевпен телефон арқылы сөйлесті, деп хабарлады Almaty.tv.

Тараптар коронавирус пандемиясына байланысты әлемдегі күрделі ахуалды талқылап, жаһандық эпидемиологиялық ауыртпалықты еңсеру бағытында екі ел қабылдап жатқан шараларға өзара қолдау білдірді. Сондай-ақ, тараптар Қазақстан-Өзбекстан ынтымақтастығы мен күн тәртібіндегі өңірдің өзекті мәселелерін талқылап, әңгіме соңында Елбасы Нұрсұлтан Назарбаев пен Шавкат Мирзиёев бір-бірін Наурыз мерекесімен құттықтады. Телефон арқылы сөйлесуге өзбек тарапы бастамашы болған.