Әділетті Қазақстанды құру әр азаматтың парызы. Сайлауға қатысып, өз таңдауын жасаған адам да осы Екінші Республиканың іргетасын қалауға септеседі. Сондықтан саяси науқанда президентті сайлап, ынтымығымызды көрсету маңызды. Almaty.tv тілшісі сайлауға қатысты зиялы қауым өкілдерінің пікірін білген еді.
«Бұл сайлаудың жөні бөлек. Мен бүкіл елімді, халқымды осы сайлауға, әділеттіліктен бастап, тазалықтықты, пәктікті, шынайлықты, ашықтықты айтып жаткандықтан, біз де ашық түрде бәріміз осыған үн қосайық. Ешқайсымыз, бір адамның қолынан ешнәрсе келмейді. Жалпы қоғам болып жетіспей жатқанымызды толықтырсақ. Сондықтан да, сайлауға мен өзімнің елімді, осы қазақтың топырағын басып жүрген, суын ішіп жүрген, ауасын жұтып жүрген жанның бәріне де, адал ниетіммен амандықта, саулықта, жақсылықта жүздесіп, сайлауға бір кісідей дауыс беруге шықырамын», – деді ҚР Еңбек сіңірген қайраткері Асылы Осман.
