Ата-анасы үйде болмаған: Семейде екі баланың мәйіті табылды

pixabay.com

Екіқабатты тұрғын үйден өрт шығып, балалар уланып қалған

Шығыс Қазақстанда Семей қаласына жақын маңдағы Холодный ключ елді мекенінде екіқабатты тұрғын үйден өрт шығып, екі бала көз жұмды, деп хабарлады Sputnik Төтенше жағдайлар комитетінің баспасөз қызметіне сілтеме жасап.

Өрт туралы хабарлама дүйсенбі, 1 сәуір күні сағат 14:19-де түскен. Өрт бірінші қабаттағы қонақ үйден басталған – жиһаз өртенген.

«Қызыл жалынды сөндіру кезінде жуынатын бөлмеден 2012 және 2015 жылы туған екі баланың мәйіті табылды. Алдын ала мәлімет бойынша қою түтіннің салдарынан иіс газынан уланып қалған. Ата-анасы үйде болмай шықты», - деп хабарлады құтқарушылар.

Сондай-ақ өрт сөндірушілер көршілерді қауіпсіз жерге көшірді. Өрт сағат 14:56-да оқшауланып, 15:12-де сөндірілді.