Алматыда Қабдолов көшесінің бір бөлігі уақытша жабылады

Алматыдағы Қабдолов көшесінің бір бөлігіне орташа жөндеу жүргізуге байланысты көлік қозғалысына уақытша шектеу енгізіледі, деп хабарлайды Аlmaty.tv қала әкімдігінің баспасөз қызметіне сілтеме жасап.

«14 қыркүйек сағат 23.00-ден 16 қыркүйек сағат 11.00-ге дейін Саин көшесінен Өтеген батыр көшесіне дейінгі аумақта қозғалыс жабылады. Бұл жерді Жұмабаев және Төле би көшелерімен айналып өтуге болады», - делінген хабарламада.

Жөнделетін аумақта ескерту белгілері, мердігер ұйым басшысының байланыс нөмірі жазылған стендтер қойылады.

Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен «Яндекс карталар» сервистерінде жазылған.

Оқи отырыңыз: Алматыда Қапшағай көпіріндегі кіреберістер уақытша жабылады