Қарағандыда жолаушылар автобусы мен үш жеңіл көлік соқтығысты

Қарағандыда екі жол талғамайтын көліктер өзара соқтығысып, салдарынан автобус пен тағы бір көлікті қағып кеткен, деп хабарлайды ҚазАқпарат.

25 ақпанда Қарағанды қаласының Көгілдір тоған шағынауданында 39 жастағы «Toyota Highlander» автокөлігінің жүргізушісі «Mitsubishi Pajero» көлігімен бетпе-бет соқтығысқан.

Алдын ала болжам бойынша, бірінші көліктің жүргізушісі рульге ие бола алмай қалып, жолдың қарсы жолағына шығып кеткен. Салдарынан 4 көлік соқтығысқан, оның ішінде бір автобус бар. Зардап шеккен 3 адам облыстық медициналық орталыққа жеткізілді.  

Полиция жол апатына қатысты тергеу жұмыстарын жүргізіп жатыр.