Алматы облысының тұрғыны қымбатқа сатамын деп 250 мың маскадан айрылды

Алматы облысында масканы қымбатқа сатқан алыпсатар ұсталды, деп хабарлайды zakon.kz.

"Алматы облысы бойынша Экономикалық тергеу департаментінің қызметкерлері қымбат медициналық маскалар сатумен айналысқан Алматы облысының Қарасай ауданының тұрғынын ұстады", – деп хабарлады облыстық департаменттің баспасөз қызметі. Оның қолында кәсіпкерлікпен шұғылдануға арналған құжат та болмаған.

"Рейдтік іс-шаралардың нәтижелері бойынша 250 мыңнан астам бетперде тәркіленді. Тәркіленген барлық медициналық маскалар елімізде жарияланған төтенше жағдайға сәйкес дереу Денсаулық сақтау басқармасына өткізілді", - делінген хабарламада.

Алматыда миллиондаған масканы қымбат бағада сатқандар ұсталды

Қарағандыда анықталған коронавирус фактісі бойынша тың мәлімет берілді