Солтүстік Қазақстанда далада жолда қалған жолаушылар құтқарылды

Солтүстік Қазақстанда далада жолда қалған жолаушылар құтқарылды, деп хабарлайды Almaty.tv.

 Олар 1 наурызда Омбы қаласынан үйіне жеңіл көлікпен келе жатқан көрінеді. Жезқазған - Петропавл тас жолының 593 шақырымында көліктері бұзылып тұрып қалған. 

Бастапқыда өздері жол табуға әрекет жасап көрген. Кейіннен 112-жедел құтқару қызметіне қоңырау шалыпты. Қоңырау Оңтүстік Қазақстан облысындағы полиция бөліміне келіп түседі. Іздеу шаралары жүргізілген 1 жарым сағаттан кейін екі облыстың шекарасынан от жағып отырған адамдарды көреді. Осылайша тәртіп сақшылары қоңырау түскен аймаққа дереу аттанып, екі адамның өмірін құтқарып қалды. Жол бойында адасқан екі жолаушы Түркістан азаматы.