Бүгін таңертең «Қорғас» шекара маңы ынтымақтастығы халықаралық орталығында ірі көлемде заңсыз қаржы арқалаған Тәжікстан азаматы ұсталды, деп хабарлайды Almaty.tv тілшісі.
Ол АҚШ валютасын, теңге және қырғыз сомдарын алып өтпек болыпты. Контрабандалық қаражаттың жалпы көлемі 22 миллион теңгені құраған. Кеден бекетінен өтетін кезде сезікті аталған қаражат туралы ауызша да, жазбаша да ескертпеген. Енді Қазақстаннан Қытайға бет алған тәжікстандық қылмыстық жауапқа тартылатын болады.
