|
16.06.2022 | 10:33
2000

15 жастағы ауыратлет әлем чемпионатының күміс жүлдегері атанды

Отандасымыз екі сайыс қорытындысы бойынша 190 келіні бағындырды

15 жастағы ауыратлет әлем чемпионатының күміс жүлдегері атанды vesti.kz

Қазақстандық ауыратлет Надежда Ли Мексикада жасөспірімдер арасында өтіп жатқан әлем чемпионатының күміс жүлдегері атанды, деп хабарлайды Almaty.tv тілшісі Vesti.kz сайтына сілтеме жасап.

64 келіге дейінгілер арасында сынға түскен 15 жастағы отандасымыз екі сайыс қорытындысы бойынша 190 (85+105) келіні бағындырды.

Колумбиялық Ингрид Ванеса Сегуро Груесо (94+117) жеңіс тұғырының биік сатысына көтерілді. Ал Венесуэладан келген Кейли Каролина Сильва Фернандез (84+103) болса қола жүлдемен марапатталды.

Еске салайық, осыған дейін Атлант мұхитының ар жағындағы жарыста Ерасыл Сәулебеков (67 келі), Едіге Емберді (73 келі) және Денис Полубояринов (81 келі) құрама қоржынына "алтын" салса, Ерасыл Омаров (55 келі) пен Александра Беленко (40 келі) қола медаль иеленген еді. 

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир