Мен сені үлгі тұтамын: параспорт чемпиондары ерекше балалармен кездесті

Параспорт чемпиондары ерекше балалармен кездесті. «Мен сені үлгі тұтамын» тақырыбында өткен форумды Алматы облысының Қарасай ауданына қарасты мектеп ұйымдастырған, деп хабарлайды Almaty.tv.

Аталған тақырыпта тұңғыш рет кездесу жасағандар балалардың ойлау-сөйлеу еркіндігін қамтамасыз ету мақсатында қатысушыларды түрлі-түсті топқа бөліп, фасилитациялық алаң жабдықталды. 

Айта кетейік, екі кезеңнен тұратын іс-шараға Англияның Оксфорд қаласында өткен халықаралық спорттық жарыстардың жүлделі жеңімпазы Айнұр Исламова мен қол күрестен 4 дүркін Азия чемпионы Жасұлан Бисенбаев арнайы келген.

– Параспорт түрлерінен елімізді әлемдік мінбелерден танытып жүрген спортшылар қонаққа келді. Балаларға өздерінің жеткен жетістігін айтып, мотивация беріп, қойған сұрақтарға жауап берді. Балалар өте жақсы әсер алды, – деді Қарасай аудандық білім бөлімінің басшысы Әсел Еркімбаева.

Оқи отырыңыз: Қысқы олимпиада: Қазақстан қоржынына тұңғыш алтын салған Илья Мизерных елге оралды