Алматыда классикалық шахматтан Қазақстан кубогының финалы өтті

Алматыда классикалық шахматтан Қазақстан Респубикасы кубогының финалы өтті. Онда еліміздің әр аймағынан жиналған кіл мықтылар сынға түсті, деп хабарлайды Аlmaty.tv тілшісі.  

32 қатысушының 16-сы ерлер арасында, 16-сы әйелдер арасында ойнады. Қатарында Өзбекстан, Үндістан, Грузия, Украина сынды мемлекеттерден келгендер бар. Қазақстан шахмат федерациясы ұйымдастырған жарыстың жүлде қоры - 50 мың доллар.

"Жалпы осы финалға өту үшін 3 кезеңнен өту тиіс болатын. Жыл басында Ақтөбеде ірі жарыс болды. Келесі кезең Өскеменде өтті. Ол жерде де үлкен жарыс болды. Үшінші кезең Павлодарда өткізілді. Оның да жүлде қоры – 50 мың доллар. Ол жерде 16 мемлекеттен шахматшылар, гроссмейстерлер келіп, өз ойындарын паш етті", - деді Қазақстан шахмат федерациясының атқарушы директоры Гүлмира Дәулетова.

Оқи отырыңыз: Қазақстан экономиканы қолдау үшін 105 млрд йен қарыз алатын болды