Қазақстандық волейболшылар жағажайдағы Азия ойындарында сүрінді

Depositphotos.com

Рюхова мен Каримова жарысты аяқтады

Бүгін, 26 сәуірде Қытайдың Санья қаласында өтіп жатқан 2026 жылғы жағажайдағы Азия ойындарында жағажай волейболынан плей-офф кезеңінің ойындары басталды, деп хабарлайды Аlmaty.tv тілшісі Ұлттық олимпиада комитетіне сілтеме жасап.

1/8 финалда қазақстандық Екатерина Рюхова мен Кристина Каримова Филиппин өкілдері Харл Прогелла мен Шанин Пагараға қарсы ойнады.

Кездесуде қарсыластары басым түсіп, екі партияда да жеңіске жетті - 2:0 (21:11, 21:14).

Осылайша, Рюхова мен Каримова жарысты аяқтады.

Айта кетейік, бүгін 1/8 финалда Сергей Богату/Кирилл Гурин және Дмитрий Яковлев/Абдулмажид Мохаммад жұптары да өнер көрсетеді.

Оқи отырыңыз: Алматы облысында тауда жоғалып кеткен турист табылды