2020 жылға көлік салығын қай уақытқа дейін төлеу керек

ҚР Қаржы министрлігінің Мемлекеттік кірістер комитеті автокөлік иелері үшін көлік салығын төлеуге қатысты жиі қойылатын сұрақтарға жауап берді, деп хабарлайды Almaty.tv тілшісі ҚазАқпаратқа сілтеме жасап.

Мемлекеттік кірістер комитеті kgd.gov.kz порталының «Электрондық қызметтер» бөлімінде салық берешегінің болмауы (болуы) туралы ақпаратты көруге болады және E-SalyqAzamat мобильді қосымшасында (AppStore және PlayMarket жүктеу) да мұндай қызмет түрі бар. Ал жеке тұлғалар 2020 жылға көлік салығын 2021 жылдың 1 сәуірінен кешіктірмей төлеуі тиіс.

«Сіз Қазақстан Республикасы Қаржы министрлігі Мемлекеттік кірістер комитетінің kgd.gov.kz порталында «Электрондық қызметтер» бөлімінде орналастырылған «Калькулятор» қызметін және E-SalyqAzamat қызметін пайдаланып көлік салығын есептей аласыз», – деп атап өтті ведомстводан.