Алматыда № 141 қоғамдық көліктің бағыты өзгереді

Алматыда № 141 маршруттың бағыты өзгереді, деп хабарлайды қалалық мобилділік басқармасының баспасөз қызметі.

«Алматы қаласының Медеу ауданында орналасқан «Балбұлақ» Республикалық балаларды оңалту орталығы мен «Алатау» балалар клиникалық санаторийінің қызметкерлері мен келушілерінің көптеген өтініштеріне сәйкес, Алматы қаласының Қалалық мобилділік басқармасы №141 автобус маршрутына өзгеріс енгізді», - делінген хабарламада.

4 наурыздан бастап соңғы аялдама «Көпір» автостанциясынан ГЭСке дейін созылады, маршруттағы жылжымалы құрам 15 бірлікті құрайтын болады.

Айта кетейік, көлік қызметін «Олжас ЛТО» ЖШС тасымалдаушсы жүргізеді.