Алматының Байзақов көшесінде жөндеу жұмыстары басталады

Ашық дерек көзінен

Байзақов көшесінің Тимирязев пен Сәтпаев көшесіне дейінгі аралығы жабылады

Жол жабыны жағдайын зерттеу қорытындысы бойынша Байзақов көшесіне жөндеу жұмыстарын жүргізу қажет деп хабарлайды Almaty.tv тілшісі.

29 тамыз сағ.23:00-ден 30 тамыз 06:00-ге дейін жол жабынына орташа жөндеу жұмыстары жүргізіледі. Соған байланысты Байзақов көшесінің Тимирязев пен Сәтпаев көшесіне дейінгі аралығында көлік қозғалысы тоқтатылады.

Жабық учаскені Әуезов, Сәтпаев - Байтұрсынов және Тимирязев көшелері арқылы айналып өтуге болады.

Жол-көлік оқиғаларын болдырмау және жол қозғалысын ұйымдастыру үшін патрульдік полиция полкінің 2 экипажы жұмылдырылады.

Жол жөндеу жұмыстары 2023 жылға жоспарланған кесте бойынша жүргізілуде.

Оқи отырыңыз:Алматыда қоғамдық көліктер тарифының форматы жыл соңына дейін өзгереді