Оқушылар мінген екі автобус соқтығысып, 25 адам зардап шекті

Канадада Монреальдің (Квебек провинциясы) маңындағы тас жолда екі мектеп автобусы соқтығысып, жол апаты салдарынан 25-тен астам адам зардап шекті, деп хабарлайды ҚазАқпарат.

Оқиға тас жолда автокөліктің күрт тоқтауынан болған. Оған алдымен соңынан келе жатқан бір автобус, артынша екіншісі соғылған. Салдарынан екі автобус та өртене бастаған.

Екі автобуста жалпы 50 бала, жүргізушілер мен екі ересек адам болған. Жеңіл жарақаттанған 25 бала мен екі ересек адам ауруханаға жеткізілді. Жол-көлік оқиғасының салдарынан тас жолдың бір бөлігі жабылды.