Алматыда 60 жастан асқан 96 мыңнан астам адам вакциналанды

Алматыда коронавирус вакцинасын 60 жастан асқан 96 мыңнан астам азамат алды. Мұндай мәліметпен қалалық Қоғамдық денсаулық басқармасы бөлісті, деп хабарлайды Almaty.tv

Жалпы шаһар бойынша 1 тәулікте 5001 адам екпе салғызыпты. Ал жаппай вакциналау науқаны басталғалы бері 690 мың 711 адам екпенің 1-інші компонентін алған. 

Қаланың медициналық ұйымдарында, мектептер мен мәдениет орындарында, базарлар мен сауда ойын сауық орталықтарында қазір 212 вакциналау пункті жұмыс істеп тұр. Оған 1 260 медицина қызметкері жұмылдырылған.