|
Коронавирус
01.04.2020 | 16:13

Коронавируста қаза тапқан қазақстандықтардың мәйітін туыстарына бермейді

Бас санитардың арнайы қаулысында коронавирус инфекциясынан қайтыс болған адамдарды жерлеу тәртібі бекітілді

Коронавируста қаза тапқан қазақстандықтардың мәйітін туыстарына бермейді Pixabay

Қазақстанның бас санитарлық дәрігері Айжан Есмағамбетова коронавирустан қайтыс болғандарды жерлеу тәртібін түсіндірді, деп хабарлайды Sputnik Қазақстан.

"Мен арнайы қаулыны бекіттім. Онда коронавирус инфекциясынан қайтыс болған адамдарды жерлеу тәртібі де көрсетілді. Осы вирустан көз жұмғандардың ағзасын ашып қарамайды. Мәйіт туған-туыстарына да берілмейді", - деді Есмағамбетова бүгінгі онлайн-брифингте.

Оның айтуынша, марқұммен қоштасуға 30 минут уақыт қана беріледі. Соның өзінде 3 метр алшақ тұру қажет. Ондайда тек жақын туыстар мен бір дін қызметкері ғана болуы шарт.

"Марқұмды жерлеу кезінде барлық эпидемиологиялық шаралар ескеріледі. Осының бәрін санитарлық-эпидемиологиялық мамандар мен жергілікті билік өкілдері міндетті түрде бақылап тұруы қажет", - деп атап көрсетті Есмағамбетова.

‡агрузка...