Түркістан облысында заңсыз ауланған көп мөлшерде балық тәркіленді

Түркістан облысы тұрғынының көлігінен салмағы 160 келі болатын 3 қап заңсыз ауланған балық табылды, деп хабарлайды Almaty.tv тілшісі Zakon.kz-ке сілтеме жасап.

Полиция мәліметінше, тәртіп сақшылары Шардара су қоймасының Аққұм учаскелік аумағында күмәнді Volkswagen Passat автокөлігін тоқтатқан.

Жүргізушінің құжаттарын тексеріп, көліктің жүк салғышын қарағанда заңсыз ауланған 3 қап балық анықталды. Күдіктіден 1 үрмелі қайық, балық аулауға арналған құралдар мен жалпы салмағы 160 келі болатын түрлі балық тәркіленді.

ҚР ҚК-нің 335-бабымен сотқа дейінгі тергеп-тексеру амалдары басталды.

Табиғатқа залал келтірген тұрғын полицияға жеткізілді.