Алматыда көлік айналарын ұрлаушылар тобы ұсталды, деп хабарлайды Almaty.tv тілшісі Polisia.kz-ке сілтеме жасап.
1988 және 1999 жылы туған үш ер адамды ұстады, олар Алматы облысының, Жамбыл ауданының тұрғындары екені белгілі болды.
«Біздің қызметкерлер арнайы жасақтың сарбаздарымен бірге 1988 және 1999 жылы туған үш ер адамды ұстады, олар Алматы облысының, Жамбыл ауданының тұрғындары. Жастар қымбат көліктерден бірнеше бүйір айналарын ұрлады деген күдікке ілінді. Қаскөйлер түнде, негізінен қаланың орталық бөлігінде жұмыс жасады. Сотқа дейінгі тергеудің осы кезеңінде ұсталған адамдардың осыған ұқсас бес ұрлыққа қатысы бар екені анықталды: біздің ауданда төрт факт орын алды. Тағы біреуі – Медеу ауданында. Айыпталушылар қаланың барлық жерінде ұрлық жасаған болуы мүмкін. Жаңа эпизодтарды анықтау жұмыстары жалғасуда», – деді Алмалы аудандық Полиция басқармасы бастығының орынбасары Владимир Решетников.
Сондай-ақ, спикер ұрланған автокөлік айналарын сату каналдарын анықтау бойынша жедел шаралар қабылданып жатқанын атап өтті. Айтпақшы, ұсталғандардың бірі бұрын мүліктік қылмысы үшін сотты болған. Бұл топтың қанша уақыт жұмыс істегені әрі қарай зерттелетін болады.
