Жедел штаб Ақкент шағынауданында өрт кезінде зардап шеккендерге өрсету жалғасып жатыр, деп хабарлайды Almaty.tv.
1 тамызда Алматыдағы Ақкент шағынауданында №54 көпқабатты үйден өрт шықты. Алматы қаласы ТЖД мәліметтері бойынша, 1-ші қабаттан 16-қабатқа дейінгі кабельдік шахтада 80 ш. м. алаңда электр кабельдері өртенген.
Әкімдік зардап шеккен үйдің тұрғындарына көмек көрсету және қолдау үшін жедел шаралар қабылдады. Алатау ауданының әкімі Азамат Қалдыбековтың төрағалығымен №54 үйдің алдында тәулік бойы жұмыс істейтін жедел штаб құрылды. Оған ТЖД, ПБ, прокуратура, ҰҚК, әкімдік, РМО, РҚБ өкілдері кіреді.
Оқиға орнында зардап шеккен азаматтар мүлкінің қауіпсіздігі мен сақталуын қамтамасыз ету мақсатында полиция қызметкерлері, сондай-ақ-жедел жәрдем көлігі де кезекшілік етеді.
Зардап шеккен үйдің кіреберісіне кіреберісі мөрленген, тек тұрғындар ғана заттарын алу үшін кіре алады. Олардың көпшілігі үй алдындағы БАҚ өкілдеріне сұхбат беруде.
Аудан қызметінің аумақты санитарлық тазарту бойынша жұмысы ұйымдастырылды. Сондай-ақ ауыз суды тұрақты тасымалдау жүзеге асырылады және биодәретханалар орнатылған.
Өрттен зардап шеккен үйдің тұрғындары үшін жақын маңдағы кафеде тамақтану және 178 лицейдің аумағында зардап шеккен тұрғындар үшін түнеу қарастырылған. Онда Алматы қаласының құтқару қызметі арқылы 250 төсек-орын орналастырылды. Сондай-ақ Ақбұлақ, Серғазин көшесі, 136 мекенжайдағы «Seven days» қонақүйде 14 бөлме брондалған. Қазіргі уақытта қонақүйде және лицейде қалуға ниет білдірген тек 1 адам (лицейде орналасқан) орналасты.
Тұрғындар арасында қажетті түсіндіру жұмыстары жүргізілуде. Зардап шеккендерге жедел желі ұйымдастырылды: 87071872507, +7 727 3989820.
Қазіргі уақытта барлық қызметтер штаттық режимде жұмыс істеуде, жағдай тұрақты.
Оқи отырыңыз: Ақкенттегі өрт: Зардап шеккен пәтерлерді қайта жөндеу жұмысын жүргізіп, көмектесеміз – құрылыс компаниясы
