Дәрігерді соққыға жыққан: Қостанайда ер адамға шыққан үкім өзгеріссіз қалды

Қостанай облыстық сотының алқасы дәрігерге абайсызда ауыр жарақат келтірген ер адамға қатысты үкімді күшінде қалдырды, деп хабарлайды Аlmaty.tv.

Соттың баспасөз қызметінен хабарлағандай, іс материалдарына сәйкес, шілде айында ер адам қабылдау кезінде уролог-дәрігермен сөзге келіп, оның бет тұсына жұдырықпен соққы жасаған. Соққыдан дәрігер қабырғаға соғылып, бас сүйек-ми жарақатын алған.

Сотталушының әрекеті абайсызда денсаулыққа ауыр зиян келтіру деп бағаланып, Қостанай қаласының №2 соты оған алты ай бас бостандығынан айыру жазасын тағайындаған.

Апелляциялық шағымды қараған сот алқасы үкімді өзгеріссіз қалдырды.

Оқи отырыңыз: Жеті адамның өліміне себепкер болған жүргізушіге үкім шықты