Шымкентте алименттік қарыз көлемі рекордтық көрсеткішке жетті

Шымкентте алименттік қарыз көлемі рекордтық көрсеткішке жетті. Бауыр еті баласына ақша бермей жүргендердің қатары артып, берешегі 6,5 миллиард теңгеден асып кеткен. Бұл өткен жылмен салыстырғанда 2 миллиард теңгеге көп, деп хабарлайды Almaty.tv.

Бүгінде бір ғана әкенің қарызы 16 млн теңгеге жеткен. Бұдан бөлек, ұл-қызына алимент төлемейтін әйелдердің саны 300-ге жуықтаған. Кейбірінің қарызы 11 миллион теңгені құрапты. Мамандар берешектің көбеюіне борышкерлердің тұрақты әрі ресми жұмысының болмауы себеп болып отырғанын айтты.

 Десе де, табысын жасырып жүргендер де кездеседі.

«Биыл 265 борышкер ӘҚБК-тің 669-бабымен жауапқа тартылды. Оның ішінде 163 борышкер 5 тәулікке дейін әкімшілік қамаққа алынды. Ал 102 борышкерге айыппұл тағайындалды. Жыл басынан бері 95 қылмыстық іс қозғалды», – деді Шымкент қаласы прокурорының көмекшісі Бауыржан Мырзалиев. 

Оқи отырыңыз: Қос бірдей қызының көзінше әйелін аяусыз ұрған ер адам ұсталды