Ақтөбе облысындағы жол апатынан бір адам қаза тауып, екі жолаушы жарақат алды

Сурет: instagram/aqtobe.zello.04

Апаттың мән-жайын облыстық полиция департаменті анықтауда

6 қазанда республикалық маңызы бар Самара – Шымкент тас жолындағы Ақжар ауылының маңында жол апаты болды. Жүк көлігінің тіркемесі Hyundai Accent жолаушылар көлігіне соғылды, деп хабарлайды Аlmaty.tv тілшісі Zakon.kz-ке сілтеме жасап.

Көлікте болған 35 жастағы жолаушы оқиға орнында көз жұмды. Тағы бір жолаушы мен жүргізуші жарақат алып, ауруханаға жеткізілді.

- Тіркеме жүйесі ажыратылғаннан кейін ауыр жүк қозғалыста ауытқып, қарсы жолға шығып кеткен. Ол Hyundai көлігімен соқтығысқан. Volvo-ны Ресейге жолға шыққан Қырғызстан азаматы басқарған, - деп хабарлады Ақтөбе облысы полиция департаментінің баспасөз қызметі.

Оқи отырыңыз: Көлсайдағы апат: тың дерек жарияланды