Сәкен Бибосынов бокстан әлем чемпионы атанды

ашық дереккөз

Қазақстандық боксшы Сәкен Бибосынов бокстан әлем чемпионатының жеңімпазы атанды, деп хабарлайды Almaty.tv.

Ол 51 келі салмақ дәрежесінде Белград шаршы алаңына шықты. Әлем чемпионатының финалында қазақстандық Сәкен Бибосынов америкалық Рискоу Хиллмен кездесті. Екеуара тартысты жекпе-жек 5:0 есебімен Сәкеннің еншісіне шешілді.

Осылайша, спортшы Қазақстан құрамасы сапында бокстан әлем чемпионатының екінші алтынын иеленді.

Кіші сержант Сәкен Бибосынов - Токио-2020 Олимпиада ойындарының қола жүлдегері.

Естеріңізге сала кетсек, бұған дейін чемпионатта ел қоржынына алғашқы алтынды Теміртас Жүсіпов әкелген болатын. Әлемдік біріншілікті ОСК-ның сарбазы қатардағы жауынгер Махмұд Сабырхан күміс жүлдемен аяқтады.