Елімізде көлік тіркеу қызметі уақытша тоқтады​

Мұны «Азаматтарға арналған үкімет» мемлекеттік корпорацияның басқарушы директоры Мұрат Жұманбай өзінің фейсбуктегі парақшасына жариялады.

Қызметтің уақытша істен шығуына ішкі істер министрлігінің базасындағы техникалық жұмыстардың жасалуы себеп болған, деп хабарлайды Almaty.tv тілшісі.

Автокөлік тіркеу мен қайта тіркеу қызметі таңғы сағат 10 жарымнан 12-ге дейін, кешкі 17:00 ден 19:00 ге дейін істемейді.  

Сондықтан жүргізушілер тарапынан түсіністік танытуларыңызды сұраймын деді Мұрат Жұманбай.