Тайваньда жолаушылар пойызы рельстен шығып кетіп, апатқа ұшырады. Салдарынан 54 адам мерт болған, деп хабарлайды Almaty.tv.
Бұл сандар әлі де өсуі мүмкін дейді елдің ресми орталық ақпарат агенттігі. Себебі, оқиға орнында құтқарушылар мен дәрігерлер аман қалған адамдарды пойыздан эвакуациялау жұмыстарын жүргізіп жатыр екен. 60-тан аса адам жарақат алған. Төтенше жағдай бүгін таң ертең "Дацин" туннелінде болды. Пойыз 350 жолаушыға арналған сегіз вагоннан тұрады. Алдын ала мәлімет бойынша теміржол көлігі туннель ішіндегі тас тазартатын техникаға соқтығысқан.
