«Алматы – біздің ортақ үйіміз» науқаны аясында «Алатау» дәстүрлі өнер театрының ұжымы сенбілік өткізді, деп хабарлайды Almaty.tv.
Өнер саңлақтары қаланы қоқыстан тазартып, көгалдандыру жұмысына жұмыла кірісті. 60-қа жуық ағаш отырғызған театр өнерпаздары табиғат анамыздың қасиетін аялау өскелең ұрпаққа парыз екенін жеткізді.
– Сенбілікке ақын, жазушы, әнші, Қазақстанның халық әртістері, қоғам қайраткерлері қатысты. Олармен сұхбаттаса жүріп, әрбір отырғызған ағаш біз үшін тарихи сәтке айналады, – деді «Алатау» дәстүрлі өнер театрының актрисасы Марал Анарбек.
– Көңіл күй өте керемет. «Алатау» дәстүрлі өнер театрының барша ұжымы сенбілікке шықты. Алматы қаласы әкімінің бастауымен «Алматы-біздің ортақ үйіміз» атты үлкен науқан жүріп жатыр. Бұл науқан қаламызды таза ұстауды үйретеді деп ойлаймын. Сондықтан қаламызды таза ұстасақ. Ағаш отырғызып жатырмыз. Бұл – жетістіктің бастауы, – деді «Алатау» дәстүрлі өнер театрының бас әкімшісі Ерсұлтан Адырбек.
Оқи отырыңыз: Үлкен Алматы өзенінің жағалауы тазартылды
